- 歌詞
- アルバムリスト
鄭麗玲
-
戀的旅程
作詞:葉俊麟 作曲:阿本仔
惦家中心稀微 日連暝思念伊 聽人講伊在北部 繁華的都市 決心來離開家鄉 希望會倘再相見 惦車內~ 想起當時 惦車內想起當時 雙人情意糖蜜甜 誰人知袂見伊面 已經心綿綿
旁白 你彼當時默默來離開故鄉 一時我也真怨恨你 但是 想起來你並不是變心 你的心情我是最明瞭 是阮父母看你無起 你一時憤慨 不是 你是要去努力創造好將來 所以我已經決心啦 你等阮 阮要來去 現在要來去找你
彼邊山紅日頭 照車窗紅吱吱 田岸邊草色閃熾 一對白鷺鷥 為怎樣交頭接耳 做陣飛來又飛去 引起阮~ 思念當時 引起阮思念當時 雙人情意糖蜜甜 誰人知袂見伊面 已經心綿綿
旅社的樓窗外 霓虹燈紅藍青 月娘也惦在天邊 對阮笑微微 一定是已經知影 明日阮要去找伊 歡迎阮~ 恢復當時 歡迎阮恢復當時 雙人情意糖蜜甜 誰人知袂見伊面 已經心綿綿
------------------------------------------
10993/《戀的旅程》Luân ê Lú-tîng 鄭麗玲Tēnn Lē-lîng
踮家中心稀微 tiàm ka-tiong sim hi-bî 日連暝思念伊 ji̍t liân-mî su-liām i 聽人講伊在北部 thiann lâng kóng i tsāi pak-pōo 繁華的都市 huân-huâ ê too-tshī 決心來離開家鄉 kuat-sim lâi lī-khui ka-hiong 希望會當再相見 hi-bāng ē-tàng tsài sio-kìnn 踮車內想起當時 tiàm tshia-lāi siūnn-khí tang-sî 踮車內想起當時 tiàm tshia-lāi siūnn-khí tang-sî 雙人情意糖蜜甜 siang-lâng tsîng-ì thn̂g-bi̍t-tinn 啥人知未見伊面 siánn-lâng tsai buē kìnn i bīn 已經心綿綿 í-king sim mî-mî
↓↓---(口白)---↓↓ 你彼當時 lí hit-tang-sî 恬恬來離開故鄉 tiām-tiām lâi lī-khui kòo-hiong 一時我也真怨恨你 tsi̍t-sî guá iā tsin uàn-hūn lí 但是想起來 もっと沢山の歌詞は ※ Mojim.com tān-sī siūnn--khí-lâi 你並毋是變心 lí pīng m̄-sī piàn-sim 你的心情 lí ê sim-tsîng 我最明瞭 guá tsuè bîng-liâu 是阮爸母看你無起 sī gún pē-bú khuànn lí bô-khí 你一時憤慨 lí tsi̍t-sî hùn-khài 毋是 m̄-sī 你是欲去努力 lí sī beh khì lóo-li̍k 創造好將來 tshòng-tsō hó tsiong-lâi 所以我已經決心囉 sóo-í guá í-king kuat-sim--looh 你等阮 lí tán gún 阮欲來去 gún beh lâi-khì 現在欲來去揣你 hiān tsāi beh lâi-khì tshē lí ↑↑---(口白)---↑↑
彼爿山紅日頭 hit-pîng suann âng ji̍t-thâu 照車窗紅記記 tsiò tshia-thang âng-kì-kì 田岸邊草色閃爍 tshân-huānn pinn tsháu-sik siám-sih 一對白翎鷥 tsi̍t-tuì pe̍h-līng-si 為怎樣交頭接耳 uī-tsánn-iūnn kau-thâu tsiap-ní 做陣飛來又飛去 tsuè-tīn pe-lâi iū pe-khì 引起阮思念當時 ín-khí gún su-liām tang-sî 引起阮思念當時 ín-khí gún su-liām tang-sî 雙人情意糖蜜甜 siang-lâng tsîng-ì thn̂g-bi̍t-tinn 啥人知未見伊面 siánn-lâng tsai buē kìnn i bīn 已經心綿綿 í-king sim mî-mî
旅社的樓窗外 lú-siā ê lâu-thang guā 霓虹燈紅藍青 nî-âng-ting âng-lâm-tshinn 月娘也踮在天邊 ge̍h-niû iā tiàm-tsāi thinn-pinn 對阮笑微微 tuì gún tshiò bî-bî 一定是已經知影 it-tīng sī í-king tsai-iánn 明日阮欲去揣伊 bîng-ji̍t gún beh khì tshuē i 歡迎阮回復當時 huan-gîng gún huê-ho̍k tng-sî 歡迎阮回復當時 huan-gîng gún huê-ho̍k tng-sî 雙人情意糖蜜甜 siang-lâng tsîng-ì thn̂g-bi̍t-tinn 啥人知未見伊面 siánn-lâng tsai buē kìnn i bīn 已經心綿綿 í-king sim mî-mî
- W.B. Chen の歌詞訂正に感謝
- ウェブリンク: W.B. Chen
|